kijetesantakaluotokieni/LICENSE.md

# lawa kepeken pi ken mute

**sona mama:**

kulupu lintukamakaki li mama pi ilo kijetesantakaluotokieni.

mama pi sitelen "mani-majuna" li jan Tony Monroe. ona li tan ilo cowsay.

**ken sina:**

- sina ken kepeken ilo ni.
- sina ken mute e ilo ni.
- sina ken ante e ilo ni.
- sina ken lukin insa e ilo ni.
- sina ken pana e ilo ni tawa jan ante.
- sina ken esun e ilo ni tawa mani anu ijo ante.
- sina ken kepeken ilo ni lon ilo ante.

**taso sina wile ni:**

- o pana e lipu ni lon poka pi ilo ni.
- o weka ala e sona mama tan lipu ni.
- mama pi ilo ni li ante e nimi ona, la sina o ante e nimi ona lon lipu ni lon ilo ni, tan wile mama. sina ken ala ante e lipu majuna e ilo majuna la sina pona. taso, sina o ante e nimi lon lipu sin ale lon ilo sin ale. sama la, mama li wile weka e nimi ona la sina o weka e nimi ona.

**pakala li kama tan kepeken pi ilo ni la...**

- mama pi ilo ni li wile ala pana e mani tawa sina.
- mama pi ilo ni li wile ala pona e ilo ni.
- mama pi ilo ni li wile ala pona e pakala.