kijetesantakaluotokieni/docs.md

kijetesantakaluotokieni

name / nimi

kijetesantakaluotokieni - kijetesantakalu toki pi ken ante.

synopsis / kepeken nimi lili

kijetesantakaluotokieni [--lukin SITELEN_LUKIN] [--uta SITELEN_UTA] [--nimi NIMI_KIJE] [--ijo SITELEN_IJO] [--linja SITELEN_LINJA] [--poki SITELEN_POKI] [--kule KULE] [--pakala NANPA_PAKALA] [--pakala-ala] [toki...]

kijetesantakaluotokieni [--o-sama] [--moli] [--wile-mani] [--monsuta] [--kasi-nasa] [--lape] [--wawa] [--lili] [toki...]

kijetesantakaluotokieni [--seme]

description

ilo kijetesantakaluotokieni li pali e sitelen kijetesantakalu toki. ona li toki e toki pana sina. sina pana ala e toki la ona li kepeken nasin stdin. ona li sama ilo cowsay lon nasin mute. toki ale ona pi ken ante li pona tawa ilo kijetesantakaluotokieni. taso, ken ante sin li lon ilo kijetesantakaluotokieni!

options / toki pi ken ante

ante sitelen

--lukin SITELEN, -e SITELEN

sina pana e sitelen wan la lukin ale li kama ni. sina pana e sitelen tu, la lukin li kama sitelen nanpa ona.

--uta SITELEN, -T SITELEN

sina pana e sitelen wan la uta nanpa wan li kama sitelen. uta nanpa tu li awen ante ala. sina pana e sitelen tu, la uta li kama sitelen nanpa ona.

--ijo SITELEN, -o SITELEN

sina ken pana e ijo tawa kijetesantakalu sina. suwi a <3.

--linja SITELEN, -i SITELEN

ni li ante e linja pi poki toki. sina ken pana e sitelen wan, la linja ale li kama ona. sina pana e sitelen mute la sama ona li ni:

123
/|\

--poki SITELEN, -u SITELEN

ni li ante e selo pi poki toki. sina ken pana e sitelen wan, la selo ale li kama ona. sina pana e sitelen mute la sama ona li ni:

--poki 1234567890
          1111
 1111    5 mu 6
2 mu 3   9 mu 0
 4444    7 mu 8
          4444

sina wile ala pana e sitelen luka luka, la sina ken pana e sitelen pi nanpa lili. ilo li ken pona kepeken suli ale.

--poki 12345
          1111
 1111    5 mu 3
2 mu 3   2 mu 3
 4444    2 mu 3
          444410

--kule KULE, -k KULE

nimi KULE li ken nimi kule. sina kepeken sitelen suli lon nimi kule ("LASO", "Laso", "lAsO") la kule li kama wawa. nimi kule ale li ni:

• walo
• pimeja
• laso
• jelo
• loje
• kasi
• sewi
• unu

nimi KULE li ken nasin sitelen kin. nasin sitelen ale li ni:

• suli / wawa: linja sitelen li kama suli
• len: kule sitelen li kama wawa ala.
• mamamije: linja sitelen li kepeken nasin sitelen pi ma Italija (sama ni. a a a)
• sike: sitelen li kama li weka li kama li weka ...

sina ken kepeken nasin sitelen mute. taso, sina ken kepeken nimi kule wan taso.

ante toki

--pakala NANPA, -W NANPA

ilo li pakala e toki sina lon sitelen nanpa NANPA.

--pakala-ala, -n

ilo li pakala ala e toki sina. sina wile pana e toki pi ilo figlet (anu ilo sama) tawa ilo kijetesantakaluotokieni la o kepeken ni.

wile sona

--seme, -l

--help, -h

ante musi

--o-sama (-b) la ona li lukin sama kulupu Borg tan sitelen Tawa Mun: Kulupu Sin. --moli(-d) la ona li pini :c. --wile-mani (-g) la wile ona li kama ike. ona li ken pilin --monsuta (-p). --kasi-nasa (-s) la ona li moku e kasi nasa mute. tenpo mute la ona li pilin --lape (-t). taso ona li moku e telo pimeja la ona li pilin --wawa (-w). --lili (-y) la lukin ona li kama lili. kin la sina ken --suwi (-z) e lukin ona.

sina kepeken wan taso pi toki ante ni, la ale li pona. taso, sina kepeken ni mute, la ona li ken nasa.

examples

lipu kije

$NASINKIJE